كوكلي معسل

السلام عليكم ورحمة الله وبركاتة

[img][/img]

في الطنجرة كنشلضوا 2 بصلات كبار و التومة تقريبا 6 ريوس و شوية اللب ديال الحامض مصير و العطرية ابزار سكين جبير زعفران عواد و زعفران شعرة وواحد طوبة ديال كنور الدجاج و القرفة شوية و الملح غير شويةو معلقة صغيرة السمن و شوية الزيت العادية و كنخلطوا الكل و كنشرملوا بهم الكوكليات من جميع الجوانب

[img][/img]

منين كنشرملوا الكوكليات كنجمعوا الرجيلات ديالهم و نمرقوا بالماء على حساب فاش يطيب الكوكلي اي الماء ما نكتروهش يكون على حد الكوكلي تم كنظيفوا القزبر و المعدنوس مربطين و عويدات ديال القرفة و نغطيوا الطنجرة ديالنا مرة مرة نطلوا على الطنجرة و نقلبوا الكوكلي باش يطيب من كل الجهات


[img][/img]

[img][/img]

منين يطيب الكوكلي نحيدوه من الطنجرة و نخليوا ديك المرقة تشحر حتى توقف مع التحريك المستمر تم كنظيفوا للمرقة واحد نصف كاس عسل من الاحسن تكون حرة و نردوا الكوكليات حتى يتعسلوا في ديك المرقة المعسلة صافي نطفيوا عليهم

[img][/img]

[img][/img]
في امان الله

Comments

[lacrevetteenchantee.over-blog.com]

miam miam, j'adore le sucré salé dans nos plats marocain, j"imagine combien c bon, c'est avec plaisir que je te tague, tu le mérites bien

[**naturelle**]

وصفة واش من وصفة ما شاء الله عليك أختي بشرى راك حادكة تبارك الله .. الله يحجبك

[nany73]

ما شاء الله
وصفات كلها كتحمر الوجه
تبارك الله عليك بشرى

[loubna]

تبارك الله وماشاء الله وصفة رائعة ومغربية أصيلة والأروع طريقة التقديم بارك الله فيك