القدرة باللوز و الارز

بسم الله الرحمان الرحيم 

السلام عليكم و رحمة الله و بركاته 

       

          

في الطنجرة انا عملت كيلو اللحم و بصلة قطعتها على شكل جوانح + معلقة صغيرة السمن + نصف كاس صغير مخلط مابين الزيت البلدية و الرومية + الملح و الابزار و الزعفران شعرة و القليل من الزعفران الملون باش يعطينا اللون

    
تم نضيفوا كاس صغير ديال الماء و نعملوا الطنجرة فوق العافية حتى يتشحرلينا اللحم مزيان
    
من بعد ما تشحرات ضفت 125 غرام اللوز مسلوق و مقشر تم نروي الطنجرة بالماء الكافي لنضج اللحم تم نغطي الطنجرة بلا منسدوا عليها و نترك اللحم ينضج على نار متوسطة
    
لما يقرب يطيب اللحم نضيف بصلة اخرى مقطعة على شكل جوانح و نغلق الطنجره حتى يكمل اللحم الطياب و البصلة و نحاول البصلة نخليوا تبان شوية في الطياب اي ماشي نطيبوها حتى دوب باش تعطي المنظر في التقديم

بالنسبة للروز

نسلقوا الروز مع شوية الملح و الزعفران الملون حتى يطيب و نصفيوه تم نشحروه واحد الشوية في شوية الزبدة تم نقدموا الطبق ديالنا بهدا الطريقة اللي في الصور تيقوا بي كتجي هااااااااااااااااااااائلة بمعنى الكلمة و نتمنى يعجبكم و بالصحة و الراحة
    

       

في امان الله

Comments

[Azura]

C'est un plat bien appétissant yichahi, ya'tik saha j'ai bien envie de le tester

Bonne journée

[omreda79.over-blog.net]

ممممممم الله يعطيك الصحة شهيتيني فيها باينة لذيذة

[**naturelle**]

سالو ريوقي يا بشرى وأنا مزال ما تعشيت هههههههههههههه الله يعطيك الصحة يا الحادكة

[nany73]

تبارك الله
هادشي كيشهي و مكرهتوش دابا و اخا الصباح
الله يعطيك الصحه